Èser dòna di Giacinto Bruschi
Na ragasèta d’inco mia la sa
Dla vìta dal dòni d’soquant an fa:
un lavòr dur e fadîga véra,
êter chè cupiêr chi òm a fêr caréra.
In fabrica, coi tûren, che lavór…
In campagna, in risêra, che sudór,
co’ ‘l sól cal brûsa la pêla già scûra,
êter chè lampada dl’abronsadûra.
E dop la guêra… fâm, pch da magnêr
êter chè dieta per mia ingrasêr.
E i sacrifìsi pr’ i fió… la famija,
êter chè mulêr tùt ed andêr via.
A cse al dòni, cherdèndegh fin in fònd,
i ân purtê finora avanti al mònd.
Viv pùr, tè ragasèta, al têimp dl’amor,
però dróva sèmper… servêl e cór!!!
Essere donna
Una ragazzina di oggi non sa
della vita delle donne di alcuni anni fa:
un lavoro e una fatica vera,
altro che copiar gli uomini nel far carriera.
In fabbrica, con i turni che lavoro…
in campagna, in risaia, che sudore…
con il sole che brucia la pelle già scura,
altro che lampada per l’abbronzatura.
E dopo la guerra… fame e poco da mangiare
altro che dieta per non ingrassare.
E i sacrifici per i figli… la famiglia,
altro che mollare tutto e andare via.
Così le donne, credendoci fino in fondo,
hanno portato avanti il mondo.
Vivi pure tu, ragazzina, il tempo dell’amore,
però usa sempre… cervello e cuore!!!